سد النهضة.. وغضب السماء!
صموئيل العاشى
علشان بس نهدي الموضوع شويه,,وللاسف القصه دي مش حتتقال في اي وسيله من وسائل الاعلام لغرض في نفس يعقوب.. والكلام ده مش معناه اننا بنتخلي عن حقنا قدام اثيوبيا بس اللي بنعمله ده حمايه لينا من الهدف الحقيقي اللي اتعمل له سد النهضه..
زي ما قلت من قبل لا نهضه ولا تنميه والا نيله هوا خناق علينا وخلاص بايد ناس في قمه السذاجه والجشع المسئولين في اثيوبيا ولازم المعلومات اللي هاقولها دي واللي علميه مليون في الميه توصل للشعب الاثيوبي اللي حكامها بيتاجروا بارواحه اساسا ومفهمينا انه بيعملوا لمصلحته..
البدايه احنا حصل عندنا اكبر فيضان للنيل من 250 سنه السنه اللي فاتت.. بحيره ناصر اللي مستويات الميه فيها يوم ما بتوصل ل170 سم بنزغرط وصل ارتفاع الميه فيه الي 179 سم يعني اساسا 9 سم صافي بحجم البحيره ده بيساوي 24 مليار متر مكعب ميه,محدش سئل ده حصل ليه..
انا اقولك ليه لان في تغيرات معينه بتحصل في درجه ميل الكوره الارضيه وعلاقتها بالشمس كدوره بتحصل كل 900 الي 1200 سنه.. وده فايدته ايه,, ان مغناطيسيه الارض بتتغير وبالتالي البراكين والاعاصير بتزيد والزلازل بتكون درجتها اكتر,ووالامطار بتكون اكثر غزاره..
والسنه للي فاتت انتوا شفتوا كوارث الاعاصير اللي بهدلت امريكا والامطار الغزيره اللي نزلت علي بحيره فيكتوريا وعملت الفيضان الكبير ده,وومتوقع ان كمان السنين اللي حايه حتتضاعف كميه الامطار وبالتالي حجم الفيضان..
حاقلكم معلومه انا اول مره اعرفها سد النهضه مش اول سد اثيوبيا تعمله اثيوبيا عملت علي مدار تاريخها الحديث حوالي 25 سد مختلف السعه والحجم وعن جداره كل هذه السدود بلا استثناء انهارت
طبيعه التربه في ااثيوبيا والتخوخات والتصدعات اللي فيها وتراكم الطمي اللي نسبته اكتر بكتير من عندنا حول منابع النيل بيعمل ان ضغط الميه يزيد قوي ولا تستحمله السدود..
سد النهضه صنع لينهار مش لاي حاجه تانيه طب انهياره ده معناه ايه.. معناه الاتي اولا اثيوبيا حتضيع حوالي 70 % منها حيغرق اساسا ,,السودان 30 % من اراضيها حتغرق ده في الموجه الاولي بعد فتره من اسبوعين الي شهر الميه دي حتيجي علينا. وكانت حتبقي اكتر من استيعاب السد العالي فبالتالي السد ممكن ينهار وانهياره معناه فيضان ممكن اوي يغرق الدلتا..
احنا عارفين كل الموضوع ده من زمان اوي لان محاولات اثيوبيا لبناء سد يؤثر علينا مش من دلوقتي ده بقالها عقود اساسا.. طب ايه اللي عملناه لمنع هذه الكارثه عملنا مقيض توشكي موازي لبحيره ناصر واساسا فايدته الاساسيه هو استقبال وتصريف الميه الزايده وتقليل الضغط علي السدالعالي.. علشان كده اتقال ساعتها مقوله مخدناش بالنا منها عند افتتاحه ان المفيض معمول لتامين مصر في السنين اللي جايه مش دلوقتي
عملنا قناطر عنداسيوط برضه بتصرف الميه الزايده وتبعدها عن الدلتا وكمان عملنا اكبر صحارات في العالم عن سرابيوم برضه لاستيعاب كل الطوفان ده برضه الانفاق اللي بتتعمل تحت قناه السويس مشروع ترعه السلام اللي بيربط النيل بسينا لنفس الاسباب دي كل ده حيخلينا نحول الطوفان القادم من نقمه الي نعمه وميه كتير بزياده متحكمين فيها نستعملها في ري الصحرا وسينا بقيت مشكله واحده ان توربينات السد مش حتستحمل هذه الميه الجارفه وتوليد الكهربا من السد العالي..ده السبب اننا اشترينا محطات الكهربا العملاقه دي وبنسابق الزمن علشان تخلص تحسبا لتوقف توليد الكهربا من السد العالي..
معلومه تانيه اول مره اعرفها ,,من شهرين بالفعل اتعمل تجربه واتوقف توليد الكهربا من السد واعتمدنا علي المحطات وبس ونجحت التجربه ومحدش حس باي نقص في الكهربا..
فاكرين لما السيسي انفعل علي وزير الكهربا لما اتكلم عن السد العالي وانه مش مهم دلوقتي كان علشان القصه دي واننا منكشفش ورقنا وقاله يا سياده الوزير الكلام ده يتقالش كده للناس.. طب ايه فايده مشروع الضبعه واصرارنا عليه ,,معمول تحسبا لاي اعطال او مشاكل تحصل في المحطات اللي حنعتمد عليها وبس في احتياجاتنا من الكهربا فلازم يبقي عندنا كمان بديل لهذا البديل..
اللي عايزاقوله للاسف الاعلام بتاعنا مش بيقول الكلام ده ويطمن الناس لانهم عايزين الناس متطمنش عايزين النعره والنحرره والضغط علينا واحنا نروح نهد اثيوبيا والكلام الحنجوري ده.. وطبعا حبايبنا الخرفان عايزين جنازه ويشبعوا فيها لطم ومأمأه.
ثقوا ان القياده بتاعتنا فاهمه وعارفه كل اللي بيحاك من مؤامرات والقصه بيتعمل لها الخطط المضاده لها بنجاح تام.. بنلاعبهم زي ما بيلاعبونامدي بس كده وكل حاجه حتبقي تمام ان شاء الله مقولة عجبتنى وقلت انقلها لزملائى الاعزاء واسمع رايهم فى هذا الكلام المحترم 🇪🇬🇪🇬🇪🇬🇪🇬🇪🇬🇪🇬🇪🇬🇪🇬🇪🇬🇪🇬🇪🇬🇪🇬حمي ا الله مصر وشعبها..
