ثورة الغلابة.. لماذا ؟!

https://youtu.be/7ZbZSJ5G6_0

عائشة أحمد تركي 

الصف الثاني الثانوي

ثورة الغلابة كما يقال بين الناس و لكن هل أحد
منا يفهم معنى كلمة ثورة !!
هل أحد منا يفهم ما معنى وطن و حق !! نازلين ندور على حق مش من حقنا لأننا مدناش البلد اصلا حقها !!
بتدوروا على الحق و انتو مش بتأدوا الحقوق !!
عايزين دخل وانتو مش بتشتغلوا !!
مش عايزينا نتسرق و احنا اللي بنسرق نفسنا !!
عايزين بلد فيها ضمير و فيها أمانة و احنا معندناش أمانة !!
عايزين حياة و احنا اصلا مش بني آدمين !!
عملنا ثورة و غيرنا فيها الحكم و شباب ماتت في مقابل أننا نعيش لكن و بعدين ؟! غيرنا الحكم و مغيرناش من نفسنا !!
بتدوروا على بلد انتو اصلا مضيعنها !!
ضيعناها بقلة الضمير بقلة الأخلاق بقلة الأمانة بقلة التعاون بحب النفس و الحقد بالجشع و الأنانية ..
مصر شعبها اللي ضيعها و بيطلب من حاكم ييجي يغيرها و يغيرنا طب ازاي ؟!
و لسة مصممين تضيعوها !!؟
الحل مش ثورة نفضح نفسنا بيها امام العالم و لا كلمتين ننزل نهتف بيهم..
مهما كان فينا وحش بس نقدر نخليها أحسن بلد في العالم..
لو كل واحد اشتغل بجد بضمير و أمانة !!
لو كل طالب ذاكر بجد !!
لو كل مدرس شرح بجد !!
لو كل دكتور راعي ربنا في شغلة و امانتة !!
لو كل مهندس بقا عنده ضمير و أمانة !!
لو كل موظف اشتغل صح من غير محسوبية ولا رشاوى ولا سرقة !!
لو كل عامل حب شغلة و اداه بكل طاقتة و اللي عنده !!
لو كل صحفي كتب كل كلمة حقيقة و مزورش فيها !!
لو كل مصرى قام بعملة صح و حب بلده صح .. صدقوني مش هنحتاج لثورة ولا هنحتاج لحد..
احننا هننضف بنفسنا مش بثورة ولا بحد تاني..
و كمان ربنا بيقف جنب كل واحد اشتغل صح و راعي ربنا في شغلة و بيديه على قد تعبة ” ربنا مبيضيعش تعب حد ” مستحيل تكون تعبت و اشتغلت مع ربنا صح و ربنا مش هيجازيك !!
فكروا صح وبلاش تضيعوا البلد أكثر ما هي ضايعة !!

ياريت كل واحد فينا يسمع أغنية “صورة” للفنان القدير عبدالحليم حافظ..
أصل مش هتتغير إلا لما نتغير و الله العظيم ✋?