ثقافةرئيس التحريرسلايدر
‘ذات’ الورد..!
شعر: أشرف أبو عريف
ذات’ الورد..!
طال غيابك ليه؟
فين عبيرك؟
فين همسك؟
فين ياسمينك؟ وفين فُلَّك؟
وفين قرنفلَك؟
وفين زهر البرتقان
اللي كان يصحّيني فرحان؟
فين شَذى اللافندر في الليل؟
وفين البنفسج يطمن الميل؟
إنت اللي جمّعت فيك
الورد البلدي والجوري
والتوليب ساكن عيونك
والنرجس مكسوف بحضنك
والفل بيحكي للسهر
والريحان يزرع أمان
ويملاني راحة بال زي المطر
وشفتك عند الفجر…
الندى نازل يحضنك قبل الشمس،
يمسك عبيرك… يملى بيه الدنيا.
دا أنت المبتدأ… لكن فين الخبر؟
