إقتصاد
مزاد نتنياهو
شعر: سيد جاد
مزاد نتنياهو
ألا أونة و دوة ألا ترية …..ده مزاد ع اللحمة البشرية
بالجملة و قطاعى تلاقى ….دى هدايا ومن غير نقدية
ألا أونة و دوة ألا ترية
كل اللى عليك كده تستغرب ….و ابعد ما تفكرش تقرب
قول ياحرام أو قول يا خسارة…..الشارع ولع و الحارة
اتدكت تحت الطيارة …………..تشترى منى الأنقاض ديه
ألا أونة و دوة ألا ترية
إيه أطعم إيه؟وز عراقى…….ولا فراخ عربية عتاقى
الأحسن موزة فلسطينى …..دى خلايق موتها بيحيينى
قول صوتى يا امة وغطينى ….واندبى ولا أحزنها ولية
ألا أونة و دوة ألا ترية
ألا أونة يا قاعد وحدانى ….ألا دو أنا وانت ومين تانى
نشرب وتكون أجمل مزة …..أكباد الأطفال من غزة
والكاتشاب علشان نتغذى ….دم هيديلك حيوية
ألا أونة و دوة ألا ترية
الغضب العربى المتنامى ……ده بشوفه ف أجمل أحلامى
من عند محيطى لخليجى…….يسعدنى اما يروح أو ييجى
بأه شبه الفار النرويجى………مع فيلمى موسيقى تصويرية
ألا أونة و دوة ألا ترية
قبل اما نقول ما خلاص تشطيب ……قدامك أهو حبة كراكيب
قرارات الأمم المتحدة ……..على ظلم فلسطين إيد واحدة
وحقوق إنسان شايفة وشاهدة …..بارقص ع الجثث المرمية
ألا أونة و دوة ألا ترية
بالجملة و قطاعى تلاقى ….دى هدايا ومن غير نقدية
ألا أونة و دوة ألا ترية
كل اللى عليك كده تستغرب ….و ابعد ما تفكرش تقرب
قول ياحرام أو قول يا خسارة…..الشارع ولع و الحارة
اتدكت تحت الطيارة …………..تشترى منى الأنقاض ديه
ألا أونة و دوة ألا ترية
إيه أطعم إيه؟وز عراقى…….ولا فراخ عربية عتاقى
الأحسن موزة فلسطينى …..دى خلايق موتها بيحيينى
قول صوتى يا امة وغطينى ….واندبى ولا أحزنها ولية
ألا أونة و دوة ألا ترية
ألا أونة يا قاعد وحدانى ….ألا دو أنا وانت ومين تانى
نشرب وتكون أجمل مزة …..أكباد الأطفال من غزة
والكاتشاب علشان نتغذى ….دم هيديلك حيوية
ألا أونة و دوة ألا ترية
الغضب العربى المتنامى ……ده بشوفه ف أجمل أحلامى
من عند محيطى لخليجى…….يسعدنى اما يروح أو ييجى
بأه شبه الفار النرويجى………مع فيلمى موسيقى تصويرية
ألا أونة و دوة ألا ترية
قبل اما نقول ما خلاص تشطيب ……قدامك أهو حبة كراكيب
قرارات الأمم المتحدة ……..على ظلم فلسطين إيد واحدة
وحقوق إنسان شايفة وشاهدة …..بارقص ع الجثث المرمية
ألا أونة و دوة ألا ترية
