المتحف الكبير.. الحكاية اللي ملهاش نهاية

شعر: أشرف أبو عريف

من جوّه التاريخ اتولدْ…
المتحف الكبيرْ
والتاريخ بنفسه كتبْ عنوانهْ
بنور الضميرْ 

من الأهرامْ… وأبو الهولْ
بدأ الحِلم الجميلْ
وترقص الأهرامْ فرحانةْ
وأبو الهولْ يغنّي…
يا ليلْ… يا عينْ 

مصر… قلب الدنيا 
وأنا الحكاية…
اللي ملهاشْ نهايةْ

صلّوا على طه العدنان ﷺ
يا مصر يا سِحر الزمانْ
وحضارةْ سبعة آلافْ قبلْ الميلادْ

كل شِبرْ فيها بيقولْ:
دي أرضْ الأنبيا
ومسرى العيلةْ المقدّسةْ

وسِرّ الفراعنةْ…
اللي لِسَّهْ العالمْ
عاجزْ يفُكْ شفراتهْ

أنا المتحف الكبيرْ
أنا الحكايةْ…
اللي ملهاشْ نهايةْ