محمد جمال
هل وصل بنا الحال ان نتمني أن تنجح “ثورة الاورومو” في اثيوبيا عشان يوقفوا لنا سد النهضة؟ .. احنا بقينا قليلي الحيلة خلاص ولا يوجد لدينا بدائل أو أدوات لوقف بناء هذا السد اللي هيعطش المصريين؟معقول صحف القاهرة اليوم تنشر كلام أهبل من عينة : “توقف العمل في سد النهضة”/ “اعلام مصر ترفرف في مظاهرات أثيوبيا” / “الاثيوبيون يطالبون بوقف بناء سد النهضة”!!!
ايه الهبل ده؟
أنا سألت خبراء في الشئون الافريقية متابعين سد النهضة قالوا لي “ده كلام جرايد .. البناء شغال الله ينور ولو دي عقلية إدارة الازمات عندنا يبقي هنعطش يعني هنعطش”!
اتمني طبعا – بعيدا عن الهبل الاعلامي – ان تنجح الثورة هناك لأن النظام الاثيوبي عنصري يقوم علي سيطرة “التيغري” وهم 6% من الشعب بينما الاورومو (اغلبهم مسلمون واقلية مسيحية) حوالي 30% من الشعب وهناك نظام ديكتاتوري يقتل ويعذب شعبه.
